Аттай Марк Сергеевич (чӑн хушамачӗ Терентьев) — сӑвӑҫ. 1905 ҫулхи ака уйӑхӗн 7-мӗшӗнче Етӗрне уесӗнчи (халӗ Красноармейски районӗ) Олӑхри Упи (халӗ Ҫӗньял Упи) ялӗнче ҫуралнӑ. 1942 ҫулта фронтра вилнӗ.

1934 ҫултанпа СССРӑн ҪП членӗ шутланать.

Кун-ҫулӗ

Янкасри пуҫламӑш шкулта, Шупашкарти ӗҫченсен факультечӗнче вӗреннӗ. «Канаш» хаҫат редакциӗнче ӗҫленӗ. Ҫавӑн пекех Ҫӗпӗрте тата Канаш районӗнче ачасене шкулта вӗрентнӗ. Тӑван Ҫӗршывӑн Аслӑ вӑрҫине хутшӑннӑ, унта хӑйӗн пуҫне хунӑ.

Ӗҫӗсем

Пичетленсе тухнӑ кӗнекисем:

• «Хӗрлӗ сӑнӑ» (1927);
• «Ҫамрӑк хунав» (1932).